ಕಾರ್ಗಿಲ್ ವಿಜಯ

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ 

ದೇಶ ಕಾಯ್ವ ಧೀಮಂತ

ಓ ದೇವ ಮಾನವ ||1

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ 

ಭಾರತಾಂಬೆ ದುರ್ಗೆಗೆ 

ಅರ್ಪಣೆಯ ಅರ್ಚಕ 

ಸಕಲರಿಗೂ ನಿಲುಕದಾ..

ಸರ್ವ ಜೀವ ರಕ್ಷಕ  ||2

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ 

ತಾಯಿ, ಜನ್ಮಭೂಮಿಗೆ

ಕರುಳ ಕುಡಿಯ ರನ್ನ

ತನು ಮನ ತ್ಯಾಗಕೆ 

ನೀನೇ ಅಮರ ಭಕ್ತ ||3

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ 

ಹೆತ್ತ ತಾಯಿ ದೇವಿಗೆ 

ಕುಂಕುಮದ ಅರ್ಪಣೆ

ಭಾರತಾಂಬೆ ಪಾದಕ್ಕೆ

ರಕ್ತ, ಕಾಯ ಸಿಂಚನೆ  ||4

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ 

ಆ ಕಾರ್ಗೀಲ್ ಪಣವು

ಶೂರತೆಯ ಝೇಂಕಾರ

ಕಂಡು ನೀ ಮುನ್ನಡೆದೆ

ನವ ಶಕ್ತಿಯ ಉದಯ ||5

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ 

ಶತ್ರು ನಾಶ ತರ್ಪಣ

ಹಿಮ ಗಿರಿಯ ತುಂಗದಿ

ತಳ ಊರಿ ಜಯವೆಂದೆ

ತ್ರಿವರ್ಣ ಧ್ವಜ ಸ್ತಂಭಕೆ ||6

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ 

ನಾಯಕ ನಿನ್ನ ಜನ್ಮವು

ಅಮರತ್ವದ ಕಡೆಗೆ

ನಿನಗಿದೋ ಸಮ್ಮಾನ 

ಜಯ ಶ್ರೀಕಾರ ವಂದನೆ  || 7

ತಲೆ ಬಾಗಿ ನಮಿಪೆ

ಓ ಧೀರ ರಣ ಯೋಧ ||

ದೇಶ ಕಾಯ್ವ ಧೀಮಂತ

ಓ ದೇವ ಮಾನವ  ||

✍️ ಶ್ರೀಕಾರ 

ಶಿಕ್ಷಕರು ಸ್ನೇಹ ಸಾಗರ ವಸತಿ ಶಾಲೆ ಇಡಗುಂದಿ

ಯಲ್ಲಾಪುರ ಶಿರಸಿ ಶೈಕ್ಷಣಿಕ ಜಿಲ್ಲೆ ಉ.ಕ.