ಮಕ್ಕಳ ಪದ್ಯ ಹುಷಾರಾಗ್ರಿ...

ಅಯ್ಯೋ! ಗುಡ್ಡ ಕುಸಿದೇ ಬಿತ್ತು

ಏನ್ರಪ್ಪಾ ಪರಿಹಾರ ?

ಬೆಟ್ಟ ಕೊರೆಯೋದ ಬಿಟ್ರೆ ಸಾಕು

ಉಳಿಸಿರಿ ಪ್ರಕೃತಿ ಪರಿವಾರ

ಮಳೆ ಸ್ವಲ್ಪ ಜಾಸ್ತಿ ಆದ್ರೂ

ನೆರೆ ಬರೋದ್ಯಾಕೆ ?

ಎಲ್ಲೋ.. ಏನೋ ತಪ್ಪು

ಆಗಿರ್ಬೋದು ಜೋಕೆ

ಬೇಸಿಗೆ ಬಂದ್ರೆ ನೀರೇ ಇಲ್ಲ

ಇದ್ಯಾವ ಕಾಲ ಬಂತಪ್ಪ !

ಮಳೆ ನೀರನು ಇಂಗಿಸಲಿಲ್ಲ

ತಪ್ಪು ನಮ್ದೇ ಕಣ್ರಪ್ಪ

ಏನ್ ಬಿಸಿಲು ಏನ್ ಸೆಕೆ

ಯಾಕೆ ಹೀಂಗೆಲ್ಲ ಆಗ್ತಿದೆ ?

ಗಿಡ ನೆಡಿ  ಮರ ಉಳ್ಸಿ

ಎಲ್ಲಾ ಸರಿ ಹೋಗ್ತದೆ

ಪ್ಲಾಸ್ಟಿಕ್ ಕಸಗಳ ಕಡಿಮೆ

ಮಾಡ್ಬೇಕಿತ್ತು ಹೇಗೆ ?

'ಬಳಕೆ ಕಡಿಮೆ ಮಾಡ್ರಪ್ಪಾ'

ಕೂಗ್ತು ಮರದಿಂದ ಕಾಗೆ

ರೇಖಾ ಭಟ್

ಸಹಶಿಕ್ಷಕಿ

ಸ ಹಿ ಪ್ರಾ ಶಾಲೆ ಕಾನಗೋಡ